مدینہ منورہ ۔ 12 دسمبر (اے پی پی) صدر مملکت ڈاکٹر عارف علوی نال وزیر مذہبی امور ڈاکٹر نور الحق قادری ملاقات کیتی۔ جیں اچ صدر مملکت کوں وزیر مذہبی امور ولوں سعودی عرب نال حج معاہدیں دے حوالے نال تفصیلی بریفنگ ڈتی گی ۔ وزارت مذہبی امور دے مطابق بدھ کو ں اتھاں وزیر مذہبی امور ڈاکٹر نور الحق قادری صدر مملکت ڈاکٹر عارف علوی نال ملاقات کیتی ۔ ایں موقع تے صدر مملکت ڈاکٹر عارف علوی پاکستانی حجاج دے کوٹے اچ5 ہزار دے ودھارے کوں خوش آئند قرار ڈتا ۔صدر مملکت عندیہ ظاہر کیتا جو او سعودی فرمانروا شاہ سلمان نال اپنڑی ملاقات اچ نویں مردم شماری دے مطابق پاکستان دے حج کوٹے اچ ودھارے دی درخواست کریسن۔بعد اچ ڈاکٹر نور الحق قادری صدر مملکت ڈاکٹر عارف علوی دے رلے روضہ رسول تے حاضری ڈتی ۔ ایں موقع تے ملک دی خوشحالی تے ترقی کیتے خصوصی دعا کیتی گی ۔
