اسلام آباد ۔ 26 فروری (اے پی پی) پاک فوج دے شعبہ تعلقات عامہ (آئی ایس پی آر)دے ڈائریکٹر جنرل میجر جنرل آصف غفور آکھیے جو بھارتی جہاز آزاد جموں کشمیر دے مظفر آباد سیکٹر اچ لائن آف کنٹرول(ایل او سی) توں ترائے، چار میل اندرآ گئے ہن ۔ منگل کوں اپنڑیں ہک ٹویٹ اچ انہاں آکھیے جو پاک فضائیہ دی وختی مداخلت دے بعد بھارتی جہاز بھجنڑ تے مجبور تھی گن اتے واپسی تے پے لوڈ سٹ تے ایل او سی کراس کر گئے، پے لوڈ کھلی جاءتے ڈھونڑ نال کہیں قسم دا کوئی جانی یا مالی نقصان نی تھیا۔ انہاں آکھیے جو ایں حوالے نال بی تفصیلات سمیت اہم معلومات بعد اچ ڈتیاں ویسن۔
