اسلام آباد ۔ 25 فروری (اے پی پی) اسلام آباد ہائی کورٹ العزیزیہ سٹیل ملز کیس اچ سابق وزیر اعظم محمد نوا زشریف دی طبی بنیادیں تے درخواست ضمانت خارج کر ڈتی ہے۔ سنوار کوں عدالت عالیہ دے جج جسٹس عامر فاروق اتے جسٹس محسن اختر کیانی تے مشتمل ڈو رکنی بینچ مختصر فیصلہ سنڑیندے ہوئیں درخواست ضمانت خارج کرڈتی ۔ واضح رہوے جو احتساب عدالت سابق وزیر اعظم محمد نواز شریف کوں 7 سال قید تے جرمانے دی سزا سنڑائی ہائی جیندے بعد نواز شریف طبی بنیادیں تے سزا معطل کرنڑ اتے ضمانت دی درخواست دائرکیتی ہائی۔ اسلام آباد ہائی کورٹ دے ڈو رکنی بینچ فریقین دے دلائل سنڑن دے بعد 20 فروری کوں کیس دا فیصلہ محفوظ کرگھدا ہا۔
