حج تے عمرہ ویزہ آن لائن گھد ا ونج سگسی

مکة المکرمہ ۔ 12 مارچ (اے پی پی) حج تے عمرہ مشترکہ ویب سائٹ دے نگران اعلیٰ عبدالرحمن شمس آکھیا جو ہنڑ سفارتخانے ونجے بغیر حج تے عمرہ ویزہ آن لائن گھد ا ونج سگسی ۔مکہ مکرمہ اچ میڈیا نال گالھ مہاڑ کریندیں ہوئیں انہاں ڈسیا جو ہنڑ جیڑھے لوک حج تے عمرہ تے آونڑ چاہسن او اتھاں اپنڑے حج تے عمرہ دی ایجنسیاں توں رابطہ کر تے ویزے گھن سگسن۔انہاں کوں پاسپورٹ سفارتخانے جمع کراونڑ دی لوڑھ کائنا ہوسی۔