قاہرہ ۔ 29 مارچ (اے پی پی) مصر دے نوجوان فرعون ” توت عنخ آمون“ دی نمائش دی اطلاع یورپی ممالک خصوصاً فرانس اچ دھماں پا ڈتن۔رسمی افتتاح توں پہلے ہی فرانس اتے پورے جگ توں شائقین نمائش دی تفصیلات جانڑن کیتے پیرس دے کلچرل کمپلیکس ”لیوی لٹ“پجنر لگ گین۔1922ءاچ برطانیہ دے ماہر آثار قدیمہ ہواڈ کارٹر بہوں جدوجہد دے بعد ”توت عنخ آمون “دا مقبرہ دریافت کیتے ۔ توت عنخ آمون دا مقبرہ فراعنہ دے مقبراں اچ کلہا اے جیہڑا مکمل اصل حالت اچ دریافت تھئے ہوا۔اے فرعون نوجوانی اچ مر گیا ہا جیندے بارے کئی اسرار اڈائے ویندن اتے ایندا مقبرہ چوراں دے ہتھوں وی محفوظ رہے تہوں توت عنخ آمون دے 4500 نوادر اصلی حالت اچ ملین۔
