کرائسٹ چرچ حملہ؛بنگلہ دیش دی کرکٹ ٹیم دے کھیڈاڑی محفوظ رہین،ویلھے تے نکلنڑ اچ کامیاب

ہیگلی پارک دی مسیت نماز پڑھنڑ ویندے فائرنگ دی آواز سنڑی تاں اُتھوبھج نکلیے ہیں،سارے کھیڈاڑی محفوظ ہین،بنگلہ دیشہ کھیڈاڑی تمیم اقبال دا ٹویٹ
اسلام آباد۔15مارچ(اے پی پی)کرائسٹ چرچ حملہ ویلے بنگلہ دیش دی کرکٹ ٹیم دے کھیڈاڑی وی نماز پڑھنڑ ویندے پئے ہن بھل او ویلھے تے پتا لگنڑ تے محفوظ رہین اتے مسیتو نکلنڑ اچ کامیاب رہین۔بنگلہ دیشہ کھیڈاڑی تمیم اقبال اپنڑے ٹویٹ اچ کھیڈاڑیاں دی خیریت دی اطلاع ڈیندے آکھیے جو اوہیگلی پارک دی مسیت نماز پڑھنڑ ویندے پئے ہن جو انہاںفائرنگ دی آواز سنڑی اتے لوکاں کوں درکدے ڈٹھا تاں او وی اُتھوبھج نکلین۔انہاںا ٓکھیے جو او ٹھیک ہین بھل قوم دعا کرے۔بنگلہ دیش کرکٹ بورڈ دے ترجمان جلال یونس موجب کھیڈاڑی بس تے مسیت گئے ہن اتےا و مسیت اچ وڑنا ٓلے ہن جو فائرنگ تھی گئی ،او محفوظ ہین بھل ڈریے ہوئے اتے صدمے اچ ہین، انتظامیہ انہاں کوں ہوٹل اچ ہی راہنڑ دی ہدایت کیتی اے۔