انگلینڈ اتے پاکستان وچال کلہا ٹی ٹونٹی انٹرنیشنل میچ آڈت کوں کھیڈیا ویسی

کارڈف۔ 04مئی(اے پی پی) انگلینڈ اتے پاکستان دی کرکٹ ٹیماں وچال کلہاٹی ٹونٹی انٹرنیشنل میچ آڈت کوں کارڈف اچ کھیڈیا ویسی۔ایں توں پہلے پاکستان ٹیم تریے ٹور میچ جیت تے انگلش ٹیم کیتے خطرے دی ٹلی وجا ڈتی اے۔ گرین شرٹس پہلے ون ڈے ٹور میچ اچ کینٹ، ڈوجھے اچ نارتھمپٹن شائر اتے ٹی ٹونٹی ٹور میچ اچ لیسٹرشائر کوں ہرایا ہئی۔ٹور میچز دے بعد گرین شرٹس کون ہنڑ ٹی ٹونٹی انٹرنیشنل میچ اتے ایندے بعد پنج ہک ڈیہاڑی بین الاقوامی میچاں دی سیریز کھیڈنڑی اے۔ڈوہاں ٹیماں وچال ہک ڈیہاڑی بین الاقوامی میچاں دی سیریز دا پہلا میچ 8 مئی، ڈوجھا 11 مئی،تریجھا 14 مئی، چوتھا میچ 17 مئی اتے چھیکڑی میچ 19 مئی کوں تھیسی۔