وزیر خارجہ مخدوم شاہ محمود قریشی ڈو ڈینہہ دے دورے تے کویت پج گین

اسلام آباد۔ 18مئی (اے پی پی) وزیر خارجہ مخدوم شاہ محمود قریشی ڈو ڈینہہ دے سرکاری دورے تے کویت پج گین جتھاں کویت دے ہوائی اڈے تے کویت دے ڈپٹی اسسٹنٹ وزیر خارجہ برائے ایشیائی امور صالم الحمدان،پاکستان اچ کویت دے سفیر نثار مطہری،کویت اچ پاکستانی سفیر غلام دستگیر اتے سفارت خانے دے اعلیٰ حکام وزیر خارجہ شاہ محمود قریشی دا استقبال کیتے۔وزیر خارجہ کویت اچ اپنڑے کویتی ہم منصب اتے امیر کویت سودھے بئی اعلیٰ قیادت نال ملسن اتے انہاں نال ڈوطرفہ تجارتی و اقتصادی تعلقات تے الویسن۔وزیرخارجہ کویتی قیادت نال ویزے دے مسلے تے وی الویسن۔وزیر خارجہ کویت اچ پاکستانی کمیونٹی نال وی ملسن اتے انہاں دی تقریب نال خطاب کریسن۔