اسلام آباد ۔ 14 جون (اے پی پی) قومی اسمبلی دااجلاس سنوار دی شام 4 وجے تئیں ملتوی کرڈتا گئے۔ جمعہ کوں قومی اسمبلی اجلاس اچ کجھ وجوہات پاروں کوئی کارروائی نہ تھی سگی۔ جمعہ نماز توںپہلے اتے بعد دا اجلاس سپیکر کوں ملتوی کرنڑ پیا۔ جمعہ دے بعد دی نشست اچ وی شور شرابا جاری رہیا اتے قائد حزب اختلاف شہباز شریف اپنڑیں تقریر نہ کر سگے،جیندی وجہ نال ڈپٹی سپیکر قاسم خان سوری آکھیا جو کوشش ہائی جوبجٹ تے سارے ارکاناں کوں چنگے طریقے نال بحث دا موقع ڈتا ونجے،تاں جو ہنڑ فیصلہ کیتے جو ہفتہ کوں اجلاس کائناں تھیسی۔ انہاں سنورا دی شام چار وجے تئیں قومی اسمبلی دا اجلاس ملتوی کرڈتا۔
