اسلام آباد ۔ 6 اگست (اے پی پی) وزیراعظم دے مشیر خزانہ تے محصولات ڈاکٹر عبدالحفیظ شیخ نال جاپانی سفیرکونی نوری مستودا منگل کوں ملاقات کیتی ۔ایں موقع تے گالھ مہاڑ کریندے ہوئیں مشیر خزانہ ڈاکٹر عبدالحفیظ شیخ آکھیا جو پاکستان دے نال اقتصادی تعلقات کوں چنگا بناونڑ کیتے جاپان دی گھاٹی دلچسپی دا خیرمقدم کریندے ہوئیں آکھیا جو جاپان دے نال تعلقات کوں بیا پکا کرنڑ اتے انہاں کوں ودھاونڑسانگے اوہ اپنڑاں کردار اتے تعاون جاری رکھیسن۔انہاں آکھیا جو حکومت فنانشل ایکشن ٹاسک فورس دے گرے لسٹ توں ناں کڈھنڑ سانگے ساریاں کوششاں کر یندی پی ہے۔انہاں آکھیا جو دہشت گرداں دی مالی معاونت اتے منی لانڈرنگ کوں روکنڑ اتے اینکوں مکاونڑ سانگے پاکستان دی سخت محنت اتے کوششاں دا امریکہ وی اعتراف کیتے۔ وزیراعظم دے مشیر آکھیا جو ڈوہائیں ملکاں وچال تعلقات پاکستان اتے جاپان ڈوہائیں سانگے وڈی اہمیت رکھیندن۔ انہاں ڈوہائیں ملکاں وچال جاری تجارتی تعلقات کوں سانجھے فائدے ڈیونڑ اتے ہک بئے دی مدد کر تے بئے ودھاونڑ دی خواہش دا اظہار کیتا۔ وزیراعظم دے مشیر جاپانی سفیر کوں وزیراعظم پاکستان دے کٹھے اپنڑے دورہ امریکہ دی تفصیلات بارے ڈسایا۔ انہاں جاپانی سفیر کو ںفنانشل ایکشن ٹاسک فورس توں متعلق پیشرفت بارے وی ڈسایا۔ ڈاکٹر عبدالحفیظ شیخ آکھیا جوماضی دے مقابلے اچ وزیراعظم عمران خان دی قیادت اچ امریکہ دے نا ل پاکستان دے تعلقات چنگے تھی گن ۔ انہاں آکھیا جو حکومت فنانشل ایکشن ٹاسک فورس دی گرے لسٹ توں ناں کڈھنڑ سانگے ساری ممکنہ کوششاںکر یندی پی ہے، ایں سانگے دہشت گرداں دی مالی مدد اتے منی لانڈرنگ روکنڑ اتے اینکوں مکاونڑ سانگے پاکستان دی سخت محنت اتے کوششاں دا امریکہ دی اعتراف کیتے۔ ملاقات اچ جاپانی سفیر آکھیا جو جائیکا پاکستان دے نال اقتصادی پارٹنر شپ کوں نویں مرحلے اچ گھن ونجنڑ دی منصوبہ بندی کر یندا پئے۔ انہاں آکھیا جو جاپان اتے وسطی ایشیائی ریاستاں وچال علاقائی تجارت دے ودھانرے سانگے پاکستان ہک گیٹ وے دا کردار ادا کر سگدے۔
