پیپلز پارٹی توں عوام مائنس تھی گن، ایندی جمہوریت قوم دامال لوٹ تے باہر پجاونڑ ہے مودی دے کالے تے یکطرفہ اقدامات ساری دنیا مسترد کیتن،سلامتی کونسل اچ کشمیریاں دی آواز بھارت دی ہار ہے اطلاعات تے نشریات سانگے وزیراعظم دی معاون خصوصی ڈاکٹر فردوس عاشق اعوان دا ٹویٹ

اسلام آباد ۔ 25 اگست (اے پی پی) اطلاعات تے نشریات سانگے وزیراعظم دی معاون خصوصی ڈاکٹر فردوس عاشق اعوان آکھیے جو پیپلز پارٹی توں عوام مائنس تھی گن ،انہاں آکھیا جو موروثی سیاست دے وارثاں کوں کرپشن نال بنڑائی گی ورثت اتے ایندی حفاظت دی فکر ہے، بلاول صاحب! تساڈی جمہوریت قوم دامال لوٹ تے باہر پجاونڑ ہے، سندھ اچ تساڈے 11سال دے کرپٹ راج غریب عوام دے حقوق کھس گھدن،مودی دے کالے تے یکطرفہ اقدامات ساری دنیا مسترد کیتن،سلامتی کونسل اچ کشمیریاں دی آواز بھارت دی ہار ہے۔ایہ گالھ انہاں اتوار کوںاپنڑے ہک ٹویٹ اچ آکھی۔ ڈاکٹر فردوس عاشق اعوان آکھیا جو بلاول صاحب تساں اج وی کشمیر کاز تے سیاست کیتی،عظیم کشمیریاں دی جدوجہد دا تساڈی ابو بچاو مہم داکیا موازنہ ہے۔ انہاں آکھیاجو کراچی اج کچرا کنڈی بنڑ گئے جڈاں جو پیپلز پارٹی حکومت دی کارکردگی دی قیمت سندھ دے معصوم بال اپنڑیاں جاناں ڈے تے ادا کر یندے پن۔ معاون خصوصی آکھیا جو وزیر اعظم عمران خان پاکستان دا روشن چہرہ ہے، انہاں تے ناں تاں کوئی کرپشن دا داغ ہے اتے نہ ہی بلاول دے خاندان آلی کارقوم دا مال ہڑپ کر تے دولت کٹھی کرنڑ دالالچ ہے۔