اقوام متحدہ ۔ 17 اکتوبر (اے پی پی) اقوام متحدہ دے بالاں دے ادارہ یونیسیف آکھیے جو پوری دنیا اچ 5سال تئیں دی عمر دے تقریباً 200 بال ذہنی اتے جسمانی نشونما کیتے خوراک دی کمی یا موٹاپے دا شکار ن تے 6مہینے توں ڈو سال تئیں دے ڈو تہائی بالاں کوں خوراک دی کمی دا سامنڑاں اے ۔ یونیسیف دی ایگزیکٹو ڈائریکٹر ہینریٹا فوری جاری کیتی گئی سالانہ رپورٹ دے حوالے نال خبردار کیتے جو گزریل کجھ دہائیاں توں ٹیکنالوجی، ثقافتی اتے سماجی ترقی دے باوجود بالاں دی ابتدائی نشو نما دے حوالے نال بنیادی حقائق کوں نظر انداز کیتا گے ،اگر بال چنگی خوراک نہ کھاسن تاں انہاں دی نشونما اچ وی کمی دا سامنڑاں کرنڑاں پوسی ۔یونیسیف دے اعدادوشمار دے مطابق رپورٹ اچ خوراک دی کمی، بھک یعنی ضروری غذائی اجزاءاتے موٹاپے دے حوالے نال ڈسایا گے جو 5 سال توں گھٹ عمر دے 149ملین بال اپنڑیاں صلاحیتاں یا قد اچ بہوں چھوٹے ہوندن تے جڈاں جو 50 ملین بال اپنڑے قد دے لحاظ نال کمزور ہوندن ۔
