ملتان ۔18 نومبر (اے پی پی)سٹی پولیس افسر ملتان محمد زبیر دریشک دی ہدایت تے پولیس لائنز ملتان اچ جنرل پریڈ دا انعقاد کیتا گیا۔ سی پی او ملتان محمد زبیر دریشک جنرل پریڈ دا معائنہ کیتا۔ایس ایس پی انویسٹی گیشن ملتان ربنواز تلہ، ڈی ایس پی ہیڈ کوارٹر محمداقبال لاشاری، ریزرو انسپکٹر عبدالسلام اتے لائن افسر عبدالستار نیازی انہاں دے رلے ہن ۔ پریڈ اچ ڈسٹرکٹ پولیس، ٹریفک وارڈن، ایلیٹ فورس، ڈولفن فورس، لیڈیز سٹاف اتے گھڑ سوار دستیں سی پی او ملتان کوں سلامی ڈتی ۔سی پی او ملتان ٹرن آوٹ بہوں چنگاں تھیونڑ تے پریڈ اچ شامل پولیس افسراں کوں شاباش ڈتی ۔بعد اچ سی پی او ملتان پولیس افسراں نال خطاب کریندے ہوئیں ہدایت کیتی جو اپنڑی ڈیوٹی ایمانداری، محنت اتے نیک نیتی نال کیتی ونجے ایں دوران شہریاں نال چنگے سلوک تے عزت نال پیش آﺅ ۔پریڈ اچ مختلف تھانڑیں توں آئے تفتیشی افسراں کوں الویندے ہوئیں انہاں آکھیا جو تساں میرٹ تے تفتیش کرو تساں ڈے کوئی سائل آوے تاں ایندی توجہ نال گال سنڑو تے میرٹ تے انہاں دے مسئلے حل کرو ۔آخر اچ انہاں پولیس افسراں دے مسئلے سنڑیے تے انہاں دے حل کیتے احکامات جاری کیتے ۔
