امن صرف پاکستان نئیں پورے جگ دی لوڑھ اے، عمران خان کشمیریاں کوں حقوق ڈیونڑ اتے اسلامو فوبیامکاونڑ دی گالھ کریندن،صدر مملکت ڈاکٹر عارف علوی دا یوتھ موبلائزیشن ان پیس بلڈنگ سیمینار نال خطاب

APP47-02 LAHORE: November 02 - President Dr Arif Alvi addressing conference on “Youth Mobilization on Peace Building”. APP

لاہور۔2 نومبر(اے پی پی )صدر مملکت ڈاکٹر عارف علوی آکھیے جو امن صرف پاکستان نئیں پورے جگ دی لوڑھ اے، عمران خان کشمیریاں کوں حقوق ڈیونڑ اتے اسلامو فوبیامکاونڑ دی گالھ کریندن،بھارت سودھے تریجھی دنیا دے ملکاں کون ہکو سویں مسلے ہین جیکوں رل مل تے حل کرنڑ دی لوڑھ اے۔ اے گالھ انہاں لہور اچ ”انٹرنیشنل سٹوڈنٹ ویک ان پاکستان“ولوں یوتھ موبلائزیشن ان پیس بلڈنگ سیمینار نال خطاب اچ آکھی۔انہاں آکھیا جو پاکستان اچ نینگراں دی اکثریت اے جیہڑی پاکستان دی تعمیروترقی دے نال نال جگ اچ امن وامان اتے مساوات دا سنیہا پھیلا ونڑ کیتے چنگاں رکدار ادا کر سگدی اے۔ انہاں آکھیا جو مقبوضہ کشمیر اچ انسانی حقوق دی پامالی تھیندی پئی اے، کشمیری بنیادی حقوق توں محروم ہین اتے کشمیر بدامنی دا شکار اے۔ انہاں آکھیے جو پوری دنیا امن چاہندی اے جنگ اتے جھیرے کہیں مسلے دا حل نئیں، امن کتیے رل مل تے کم کرنڑ دی لوڑھ اے جیکر آزاد اتے پرامن ماحول ہوسی تاں خطے اچ خوشحالی اتے ترقی تھیسی۔