ملتان ۔ 5 نومبر (اے پی پی)کمشنرملتان ڈویژن افتخار علی سہو آکھیے جو کرپشن دے ناسور کوں مکا تے سروس ڈیلیوری بہتر بنڑائی ونج سگدی اے ، اداریں اچ موجود کالیاں بھیڈاں دے خلاف کاروائی شروع تھی گئی اے ۔ تجاوزات ، غیر قانونی پارکنگ سٹینڈ، وال چاکنگ ، قبضہ مافیا ،ذخیرہ اندوزی جیہوجے بہوں سارے چیلنج دا سامنڑاں اے ، سٹیزن پورٹل تے ملنڑ آلیاں شکایتاں دا وختی ایکشن گھدا ویندا پئے ، خطے دی ثقافت اتے کلچر کوں اجاگر کرنڑ بہوں ضروری اے ، فنکاراں ، ادیباں ، شاعراں دی مالی معاونت کرنڑ بارے وی پالیسی بنڑائی ویندی پئی اے ۔اے گال کمشنر ملتان ڈویژن افتخار علی سہو 26 سینئر مینجمنٹ کورس دے وفد نال خطاب کریندے ہوئیں آکھی اے ۔کمشنر افتخار علی سہو آکھیے جو ٹریننگ کورسز افسراں دی شخصیت سازی اچ اہم کردار ادا کریندن ،اپنڑے کیریئر دے دوران ایمانداری نال کم کرنڑہی افسراں دا طرہ امتیاز اے ۔ ملتان دی ترقی اتے خوشحالی کےتے مختلف شعبیں اچ سرمایہ کاری دی ضرورت اے ۔
