سیکرٹری سپورٹس پنجاب دی تونسہ شریف اچ زیر تعمیر شاہ سلمان کرکٹ سٹیڈیم 31دسمبر تئیں مکمل کرنڑ دی ہدایت

لاہور۔16 نومبر(اے پی پی )سیکرٹری سپورٹس پنجاب ندیم محبوب ڈیرہ غازی خان اچ کرکٹ سٹیڈیم،چیف منسٹر پنجاب کرکٹ اکیڈمی اتے ہاکی سٹیڈیم کیتے جاہ دا معائنہ کیتے۔ سیکرٹری سپورٹس پنجاب ندیم محبوب تونسہ شریف اچ زیرتعمیر شاہ سلمان کرکٹ سٹیڈیم دے ٹھیکیدارکوں جھار پلیندے ہوئے منصوبہ 31دسمبرتئیں مکمل کرنر دی ہدایت کیتی۔ڈیرہ غازی خان اچ ڈویژنل سپورٹس آفیسرعطاءالرحمان بریفنگ اچ ڈسائے جو چیف منسٹر پنجاب کرکٹ اکیڈمی اچ 60کھلاڑیاں کوں تربیت ڈتی ویسی جیندے کیتے گریڈ ٹو دے کوچز دی خدمات گھدیاں گین۔سیکرٹری سپورٹس چیف منسٹر پنجاب کرکٹ اکیڈمی دا کم تیکھا کرنڑ دی ہدایت کیتی ۔ انہاں نال کرکٹ اکیڈمی دے کوچز اتے ٹرینرز وی ملین۔ انہاں تونسہ شریف اچ زیر تعمیر شاہ سلمان کرکٹ سٹیڈیم اتے تحصیل سپورٹس کمپلیکس دا وی معائنہ کیتے اتے اتھاں سہولتاں دا جائزہ گھدے۔انہاں آکھیے جو وزیراعلیٰ پنجاب سردار عثمان بزداردے ویژن دے مطابق پنجاب دے پسماندہ علاقیاں اچ وی سپورٹس دی جدید سہولتاں ڈتیاں وینداں پین۔