مظفرگڑھ ۔ 26 نومبر (اے پی پی) ظالم زمیندار روکنڑ دے باوجود سڑک توں گزرنڑ تے 70سال دے بزرگ محنت کش تے ایندے پتر تے خونخوار کتے چھوڑ ڈتن ،کتے پٹ گھدا جیں پاروں او ودھ سارے زخمی تھی گے،تفصیل دے مطابق مظفر گڑھ دی تحصیل علی پور اچ تھانڑاں سیت پور دے علاقے موضع شیخانی دا محنت کش 70سال دا بزرگ جام خیر محمد موھانڑاں اپنڑے پتر دے رلے خانگڑھ ڈومہ توں سودا گھننڑ دے بعد واپس آندا پیا ہئی جو زمیندار جاوید بلوچ دے گھر دے نیڑے دگ توں لنگھیا تاں انہاں ایں دگ توں لگھنڑ توں روکیا ہئی تے انکار تے کاوڑ اچ آتے اپنڑے 5کتے پیو پتر تے چھوڑ ڈتے ،پیو پتر زمیندار توں معافی منگدے رہیے مگر اوں ظالم ہک نہ سنڑی تے کھلدا رہیا تماشا ڈیکھدا رہیا کوکاں سنڑ تے شفیق،صغیر تے بئے علاقے آلیں آتے زمیندار دی منت کرتے کتیں کوں بھجایا تے ڈوہیں پیو پتراں کوں چھڑایا اطلاع ملدے ہی پولیس تھانڑاں سیت پور موقع تے پج گئی تے پیو پتر کوں زخمی حالت اچ رورل ہیلتھ سنٹر سیت پور داخل کراڈتا پولیس زمیندار جاوید بلوچ دے خلاف مقدمہ درج کر گھدے تے اوندی گرفتاری کیتے چھاپے مریندی پئی اے ۔
