لاہور۔19 نومبر(اے پی پی ) وزیر اعلی پنجاب دی ہدایت تے صوبہ پنجاب دے 27ضلعیں اچ قائم کیتے گے کسان پلیٹ فارم نال ملک اچ فوڈ سیکورٹی تے غربت مکاونڑ دے علاوہ کاشتکار فصل ویچنڑ کیتے مڈل مین دے محتاج کائناں تھیسن ،زرعی ماہرین آکھیے جو کسان پلیٹ فارم دے اقدام دی تعریف کریندوں، ایں سہولت نال کسان پھل تے سبزیاں ویچنڑ کیتے ہنڑ کہیں دے محتاج کائناں تھیسن ،کسان پلیٹ فارم دے قیام نال عوام کوں تازہ پھل تے سبزیاں سستیاں ملسن ،زرعی منڈیاں اچ کاشتکاراں دی آمدن ودھ ویسی ۔وزیر اعلیٰ پنجاب دی ہدایت تے محکمہ زراعت دے زرعی مارکیٹنگ ونگ زرعی منڈیاں اچ کسان پلیٹ فارم دے قیام کیتے اقدامات کیتن تے عوم دی سہولت کیتے منڈیاں دیاں قیمتاں کوں روزانہ دی بنیاد تے ویب سائٹ (www.aims.pk) تے اپ ڈیٹ وی کیتا ویندا پئے ایندے علاوہ زرعی منڈیاں دی اصلاحات کیتے وزیر اعظم دے زرعی ایمرجنسی پروگرام دے تحت کاشتکاراں دی سہولت کیتے21 ارب 27 کروڑ دی ودھ ساری رقم پورے صوبے اچ ماڈل زرعی منڈیاں دا قیام وی عمل اچ گھن آیا ویندا پئے ایں ضمن اچ پھل تے سبز ی منڈی بادامی باغ ،سنگھ پورہ ،ملتان روڈ ،کچہ لاہور،ملتان،فیصل آباد،سرگودھا،گوجرانوالا،بہاولپور،شیخوپورہ،قصور،ڈی جی خان، بہاولنگر ،صادق آباد ،میانوالی، بورے والا، مظفرگڑھ، ٹوبہ ٹیک سنگھ، سیالکوٹ، جہلم،منڈی بہاوالدین، بھکر، پاکپتن، اوکاڑہ، ساہیوال، گجرات، رحیم یار خان، چکوال، راجن پور اتے چیچہ وطنی اچ کاشتکاراں کیتے جاہ مخصوص کیتی گئی اے جتھوں کاشتکار کمیشن تے مارکیٹ فیس دی ادائیگی دے بغیربراہ راست صارفین کوں پھل تے سبزیاں وچیندے پن ۔
