پیرس ۔ 05 نومبر (اے پی پی)رافیل نڈال پہلی پوزیشن تے قبضہ جما گھدے ، نوویک جوکووچ دی ہک درجہ تنزلی ڈوجھے نمبر تے آ گن ، نڈال کیریئر اچ 8 ویں واری پہلی پوزیشن ولا گھن گھدی اے ، راجر فیڈرر تریجھے نمبر تے برقرار ۔ انٹرنیشنل ٹینس فیڈریشن توں جاری کیتے ٹینس دی تازہ ترین عالمی رینکنگ اچ ہسپانوی کلے کورٹ دے بادشاہ رافیل نڈال مرداں دے سنگلز مقابلیں اچ سربین سٹار توں پہلی پوزیشن کھس گھدی اے ، نڈال اپنڑے کیریئر اچ8 ویں واری پہلی پوزیشن تے آگن ، نڈال پیرس ماسٹرز اچ پٹھیں دی تکلیف پاروں سیمی فائنل توں دستبردار تھی گے ہن ایندے باوجود او پہلی پوزیشن گھننڑ اچ کامیاب رہ گن ، سربیا دے نامور ٹینس سٹار اتےٍ16 گرینڈ سلام دے فاتح نوویک جوکووچ پیرس ماسٹرز جتنڑ دے باوجود پہلی پوزیشن نہ بجا سگیے او ہنڑ ڈوجھے نمبر تے آگن، تریمتاں دے سنگلز مقابلیں اچ آسٹریلیا دی ایشلے بارٹی بدستور پہلے نمبر تے ہن۔ تریمت کھلاڑیاں دے سنگل مقابلیں اچ سیمونا ہالپ،الینا سویٹولینا اتے کیکی برٹنز دی ترقی تھئی اے ، امریکی ٹینس سٹار سا بق عالمی نمبرہک سرینا ولیمز ہک درجہ تنزلی تھئی اے ۔
