اسلام آباد ۔ 22 نومبر (اے پی پی) چین پاکستان اقتصادی راہداری (سی پیک) منصبوے دے تحت چینی فوڈ پروسیسنگ ٹیکنالوجی پاکستان دے زراعت دے شعبے کوں بدالنڑ تے تجارت کوں ودھارا ڈیونڑ اچ مددگار ثابت تھیسی ،چین تے پاکستان وچال مشترکہ کاروباری فائدہ مند ثابت تھیسن ۔ سرماےہ کاری بورڈ حکام دے مطابق ڈوہیں ملک ٹیکنالوجی اتے مہارت دے استعمال نال فوڈ پروسیسنگ، مصالحہ جات ، فشری ، کاٹھی دے کم ، آٹوموٹو اسپیئر پارٹس وغیرہ جیہوجے بہوں سارے شعبیں اچ اعلیٰ سطح تے تعاون ودھا سگدن ۔چینی سرمایہ کار لباس تے فوڈ پروسیسنگ دے شعبیں اچ سرمایہ کاری کرنڑ چاہندن جیں نال مارکیت اچ مسابقت کوں ودھارا تھیسی تے موجودہ معیارات اچ قدر کوں ودھایا ونج سگسی ۔ فوڈ پروسیسنگ دی ٹیکنالوجیز پاکستانی زراعت دے شعبے اچ انقلاب گھن آسی تے برآمدات ودھ ویسن۔
