ملتان ۔ 8 نومبر (اے پی پی) کمشنر ملتان ڈویژن افتخار علی سہو طبی سہولیات دے جائزے کیتے کارڈیالوجی ہسپتال دادورہ کیتے مریضاں نال وی الوائے۔ انہاں آکھیے جو چودھری پرویز الہٰی انسٹی ٹیوٹ آف کارڈیالوجی ملتان اچ مریضاں کیتے ودھ اتے جدید سہولتاں ڈتیاں وینداں پین،روزانہ ہزاراں مریض شفا یاب تھیندے پین۔ انہاں کارڈیالوجی ہسپتا ل اچ جاری ترقیاتی سکیماں تیکھے مکمل کرنڑ دی ہدایت کریندے آکھیا جو سکیماں اچ شفافیت اتے معیاردا خیال رکھیا ونجے۔کارڈیالوجی سنٹر دے ایگزیکٹو ڈائریکٹر رانا الطاف ڈسایا جو کارڈیالوجی انسٹی ٹیوٹ دا ایمرجنسی انخلاء6 مہینے اچ مکمل تھی ویسی،توسیعی بلاک تے وی کم تھیندا پئے جیندے اچ ماہ او پی ڈی، 208وارڈ ز، نرسنگ ہوسٹلز، ڈاکٹرہوسٹلزبنڑدے پین،کارڈیالوجی انسٹی ٹیوٹ اچ 279بیڈز فنکشنل ہین اتے 30بیڈزبئے ودھائے ویسن۔ توسیعی منصوبے نال کارڈیالوجی انسٹی ٹیوٹ 500بیڈز توں ودھ ویسی۔
