مظفرگڑھ ۔ 15 نومبر (اے پی پی) 12 مسلح نقاب پوش ڈاکواں دا شادی دے گھر دھاوا، 4کنواراں دے21 تولے زیوارت ،اڈھائی لکھ روپے لٹ گھدے ۔تھانڑاں روہیلانوالی دی حدود اچ قصبہ موچی والی غری اچ محکمہ انہار دے ریٹائرڈ پٹواری رانا ظہیر الدین چار ڈینھ پہلے اپنڑے پتر اتے ترائے دھیریں دی شادی کیتی،گزریل رات کنواریں اتے بیا ٹبر گھر اچ ہئی جو ادھ رات کوں 3وجے 12مسلح ڈاکواں گھر اچ وڑ گئے اتے اسلحے دے زور تے 4کنواراں دے21 تولے زیوارت ،اڈھائی لکھ روپے لٹ گھدے ۔ڈکیتی دی واردات دی اطلاع ملنڑ تے روہیلانوالی پولیس موقع تے پج گئی اتے کاروائی شروع کر ڈتی اتے ڈی پی او مظفر گڑھ وی نوٹس گھن گھدے ۔
