انقرہ ۔ 23 دسمبر (اے پی پی) ترک صدر رجب طیب اردوان آکھیے جو 2022 توں ہر سال ہک آبدوز تیار کرتے بحری خدمات کیتے پیش کیتی ویسی 2027 اچ اساڈیاں چھی آبدوزاں بحریہ کیتے خدمات ڈیونڑ شروع کرڈیسن، اگر ضرورت پئی تاں ترکی لیبیا دیاں فوجی ضرورتاں تے امداد اچ ودھارا کر سگدے ۔ اےے گال انہاں کوجہ ایلی اچ گیولجیک شپ یارڈ کمان گاہ اچ پہلی قومی آبدوز پیری ریس کوں سمندر اچ لہاونڑ تے5 ویں جہاز سید الرئیس دی پہلی ویلڈنگ تقریب نال خطاب کریندے ہوئیں آکھی اے ۔صدر اپنڑے خطاب اچ مشرقی بحیرہ روم اچ ترکی ولوں بنڑائی ونجنڑ آلی پالیسی دا حوالہ ڈیندے ہوئیں آکھے جو یونان تے ایندے حمایتی ملکاں کوں ترکی دے سمندر اچ ہک قدم وی اگی تے ودھنڑ نہ ڈیکھنڑ چاہندے ہاسے ۔ انہاں شمالی قبرصی ترک جمہوریہ دے سارے رستے روک ڈتن ۔
