راجن پور،حضرت خواجہ غلام فریدؒد دے عرس دی تقریبات کوٹ مٹھن اچ مُک گن

راجن پور ۔05 دسمبر (اے پی پی) برصغیر دے سرائیکی زبان دے شاعر صوفی بزرگ حضرت خواجہ غلام فرید رحمتہ اللہ علیہ دے 122ویں 3 ڈینھ وار عرس دی تقریبات کوٹ مٹھن اچ مُک گئین۔دربار فرید اچ قومی خواجہ فرید کانفرنس تھئی جئیں اچ رکن قومی اسمبلی رانا محمد قاسم نون، صوبائی وزیر آبپاشی سردار محمد محسن خان لغاری،صوبائی وزیر لائیو سٹاک سردار حسنین بہادر دریشک،صوبائی وزیر جیل خانہ جات چوھدری محمد زوار وڑائچ ، چیئرمین قائمہ کمیٹی لوکل گورنمنٹ پنجاب ایم پی اے سردار فاروق امان اللہ خان دریشک،سابق وفاقی وزیر مذہبی امور علامہ حامد سعید کاظمی،دربار پاکپتن شریف دے سجادہ نشین پیر دیوان حامد مسعود چشتی، فرزندگان فرید خواجہ کلیم الدین کوریجہ، خواجہ شریف عامر کوریجہ،خواجہ غلام فرید کوریجہ، خواجہ راول معین کوریجہ، دربار نور محمد نارووالا سرکار حاجی پور شریف خواجہ صلح محمد، دربار عالیہ بڈھن شریف دے سجادہ نشیں پیر خواجہ فیض المصطفیٰ شاہجمالی سمیت پورے ملک توں سجادگان ،اتے ہزاراں دی تعداد اچ عقیدت مند شریک تھیے۔چھیکڑی تقریب توں سجادہ نشین دربار عالیہ خواجہ معین الدین محبوب کوریجہ وی خطاب کیتا۔تقریبات دے چھیکڑ تے سجادہ نشین دربار عالیہ خواجہ معین الدین محبوب کوریجہ چھیکڑی دعا کروائی۔