اسلام آباد ۔ 12 جنوری (اے پی پی) سرائیکی ادبی اکیڈمی ولوں نیشنل پریس کلب اسلام آباداچ ”پیغام آفریں سرائیکی کانفرنس “ تھئی جیندی صدارت مہاندرے دانش ور و مصنف حفیظ خان کیتی جڈاں جو مہمان خصوصی مہاندرے سرائیکی اگوانڑعبدالمجید خان کانجوہن۔صدرنشیں حفیظ خان حضرت خواجہ غلام فرید دے جیونڑ اتے انہاں دے دور اچ لسانی و معاشرتی پہلواں تے سوجھلا کیتے جو خواجہ فرید اپنڑے سرائیکی کلام اچ امن ،بھرا بھرپی اتے انسانیت کوں ودھاونڑ دی سکھالت ڈتی،خواجہ غلام فریدؒسارا جیونڑ بہوں متحرک رہین اتے فلاح معاشہ کیتے کم کیتے۔ مہمانِ خصوصی عبدالمجید کانجو خواجہ غلام فریدؒدے مٹھے سرائیکی لہجہ کوں من موھنڑاں قرار ڈیندے آکھیے جو خواجہ فرید اپنڑی شاعری نال درد دل رکھنڑ آلیاں کوں جیونڑ دی نویں راہ ڈکھلائی ، انہاں عشق، محبت، باہمی رواداری، فطرت دے سوجھلے تے ادب ریزی کیتی اے۔مہاندرے دانش ور ڈاکٹر غضنفر مہدی ایں کانفرنس کوں سرائیکی ادب دے ودھارے کیتے مینہہ دی پہلی پھینگ قرارڈتا جڈاں جو سبطین رضا لودھی خواجہ غلام فریدؒدا”فلسفہ روہی“ پیش کیتاس۔ پروفیسر خورشید سعیدی جدید دور اچ سرائیکی ڈیجیٹل دے قیام دی تجویزڈتی جڈاں جو سید ضیاءالدین نعیم خواجہ غلام فریدؒدکی سرائیکی ”کافی“ داسوہنڑاانگریزی ترجمہ پیش کیتے۔صدر نیشنل پریس کلب شکیل قراراینجھی سوہنڑی محفل رکھاونڑ تے ڈاکٹر سعدیہ کمال دی تعریف کیتی۔تقریب اچ محفل موسیقی دا وی تڑکہ لایا گیا جیندی نظامت شاہد دھریجہ کیتی۔ایں موقع تے بہاولپور دی شیزا بلوچ، ٹیکسلا دے نزاکت علی فریدی اتے نوجوان گلوکار جمیل رحمان قرار خواجہ غلام فریدؒدکا کلام پیش کرتے شرکا توں داد ولہیٹی۔
