واشنگٹن۔ 3 جنوری (اے پی پی)امریکا عراق اچ اپنڑی ہک فضائی کارروائی دے دوران ایرانی قدس فورس دے کمانڈرقاسم سلیمانی کوں مارنڑ دا دعویی کریندے ا ٓکھیے جوجنرل قاسم سلیمانی عراق اتے مشرق وسطیٰ اچ امریکیاں کوں نشانہ بنڑاونڑکیتے منصوبہ سازی اچ لگے ہوئے ہن،اے کارروائی امریکی صدر دی ہدایت تے بیرون ملک امریکیاں دے تحفظ کیتے کیتی گئی اے،حملے دا مقصدایرانی حملیاں دی منصوبہ بندی روکنڑ اے،امریکا پورے جگ اچ امریکیاں اتے اپنڑے مفادات کیتے دفاعی اقدامات کریندا راہسی۔پینٹاگان ولوں عراق اچ فضائی حملے اتے ایرانی سپاہ قدس دے اگوانڑقاسم سلیمانی دی ہلاکت دی تصدیق کریندے ہوئے آکھیا گئے جو عراق دے دارالحکومت بغداداچ ایئرپورٹ دے نیڑے امریکا فضائی حملہ کیتے جیندے اچ ایران دی سپاہ قدس دے سربراہ قاسم سلیمانی ماریے گین،اے فیصلہ کن کارروائی امریکی صد دونلد ٹرمپ دی ہدایت تے امریکی فوج بیرونِ ملک راہنڑ آلے امریکیاں کوں محفوظ رکھنڑاتے ایرانی حملیاں دی منصوبہ بندی روکنر کیتے کیتی اے،امریکا اپنڑے شہریاں دے تحفظ اتے پورے جگ اچ اپنڑے مفادات کوں بچاونڑ کیتے اینجھاں کارروائیاں کریندا راہسی،قاسم سلیمانی عراق اچ اتحادی بیسزتے حملیاں دی منصوبہ بندی اتے امریکی سفارتخانے تے حملیاں دی منظور اچ ملوث ہن۔ذرائع موجب حملے اچ عراقی ملیشیا دے کمانڈر ابو مہدی المہندس وی موئن بھل او امریکا دا ہدف کائنا ہن۔عراقی پیرا ملٹروی گروپس موجب امریکابغداد اچ ایرانی حمایت یافتہ ڈو اہداف چُٹین ،بغداد انٹرنیشنل ایئرپورٹ تے ایئر کارگو ٹرمینل دے نیڑے امریکی ہیلی کاپٹرڈوگاڈیاں تے 3 راکٹ مارین جیندے اچ عراقی پیرا ملٹری گروپس دے 5 اراکین اتے 2 ’مہمان‘موئن۔
