ملتان ۔ 10 فروری (اے پی پی) سرائیکی اتے اردو دے نامور شاعر امید ملتانی دا17واں ورھینڑاں اج منگل کوں منایا ویسی ۔ انہاں دا اصل ناں محمد نوازانصاری ہئی ۔ او 1922ءوچ ملتان دے علاقے بوہڑ گیٹ اچ جمیے ،انہاں دے ماءبولی سرائیکی ہئی لیکن امیدملتانی اردو اتے سرائیکی زبان کوں اظہاردا ذریعہ بنڑایا۔ 1972اچ ” سرائیکی مجلس ادب“ دے ناں توں ہک تنظیم رجسٹرکروائی اتے ایندے تھت پندرہ ڈینھوار مشاعریں دا آغاز کیتا۔ انہاں دے ترائے شعری مجموعے منظرعام تے آئے جیں اچ ہک کتاب تے انہاں کوں وزرارت مذہبی امور دی طرفوں صدارتی ایوارڈ ڈتا گیا۔او 11فروری 2003ءکوں ملتان وچ اللہ کوں پیارے تھی گئے ۔
