سُتا ہویا شہر ”دلو رائے “دے تاریخی ٹیلے تے کئی ڈھاکیاں بعد ولاکھدائی شروع

ملتان ۔ 07 فروری (اے پی پی) ملتان اچ ”دلو رائے دے تاریخی ٹیلے “ تے محکمہ آثار قدیمہ کئی ڈھاکیاں بعد ولاکھدائی شروع کرڈتی اے۔ایں کھدائی نال ماضی دیاںو سریاں یاداں پھرولنڑاچ مدد ملسی جیندے کیتے ہک کروڑ70لکھ روپے توںو دھ دے منصوبے دا پہلہ مرحلہ شروع کرڈتا گئے جیندے تحت ٹیلے دی جاہ دے چدھارو400فٹ کندھاں اسارنڑدا کم تھیندا پئے تاں جو اے محفوط رہ سگے۔ہڑپہ عجائب گھر دے انچارج محمد حسن موجب ”دلو رائے دے ٹیلے “تے کھدائی دا کم ڈو مہینے اچ ونج مکمل تھیسی،حالی صرف چھ انچ کھٹنڑ نال وی کجھ تعمیرات ملین جیڑھیاں بظاہر گپتہ اتے مغل دوردیاں لگدین بھل بئی کھدائی اتے صفائی نال ایندی درست معلومات مل سگدن۔ انہاں آکھیا جو کھدائی دا کم محکمہ آثار قدیمہ دی پنجھا رکنی ٹیم کریندی پئی اے جیندے اچ محکمے دے افسر،اہلکار، ڈرافٹ مین،فوٹوگرافر اتے سپروائزروی شامل ہین۔تاریخی حوالیاں موجب شہزادہ دلو رائے نال جڑیے ایں ٹیلے کوں پہلی اتے ڈوجھی صدی داسُتا ہویاشہر وی آکھیا ویندے جیڑھا دلورائے دا تھیڑہوندا ہا۔اے ٹیلہ 434کنال تے پھیلیاہوئے جینداودھ ڈیرہ غازی خان اچ بھل صرف ترائے کنال علاقہ جام پور تحصیل اچ اے۔