لاہور۔9 فروری(اے پی پی )پاکستان کبڈی ورلڈ کپ اچ فاتحانہ شروعات کریندے ہوئے کینڈاکوں ہرا تے پہلا میچ جیت گھدے اتے قیمتی پوائنٹس اپنڑے ناویں کر گھدن۔لاہور اچ پنجاب اسپورٹس بورڈ ولوں کبڈی ورلڈ کپ دی افتتاحی تقریب تھئی جیندے مہمان خصوصی وزیر اعلیٰ پنجاب عثمان بزدارہن جڈاں جو صوبائی وزیر کھیل رائے تیمور اتے اسپیکر پنجاب اسمبلی پرویز الہی وی موجودہن۔ایونٹ داپہلا میچ لاہور دے پنجاب اسٹیڈیم اچ میزبان پاکستان اتے کینیڈا وچال کھیڈیا گئے جیندے اچ پاکستان کینیڈا کوں یکطرفہ مقابلے دے بعدہرا ڈتے اتے بہوں چنگاں کھیڈدے ہوئے 24-64پوئنٹس نال جیتئے۔سولہان فروری تئیں جاری راہنڑ آلے عالمی مقابلیاںاچ پاکستان اتے بھارت سودھا جرمنی، کینیڈا، ایران، آزربائیجان، کینیا، انگلینڈ، آسٹریلیا اتے سیرالیون دیاں ڈاہ ٹیماں کھیڈدیاں پین۔
