ملتان ۔20مارچ(اے پی پی)تفتان توں آونڑ آلا زائرین دا قافلہ جمعے کوں سویلے ملتان پج گئیا۔33بساں تے 1270زائرین شامل ہن۔قافلے کوںکمشنر شان الحق، ڈپٹی کمشنر عامر خٹک اتے سی پی او زبیر دریشک ’ شیر شاہ بائی پاس تے خوش آمدید آکھیا جئیں دے بعد قافلے کوں کمشنر، ڈپٹی کمشنر اتے سی پی اودی قیادت اچ قرطینہ سنٹر پجا ڈتا گیا ،قرنطینہ سنٹر انڈسٹریل اسٹیٹ ملتان اچ بنڑایا گئے اتے پاکستان دا ساریاں توں وڈا قرنطینہ سنٹر اے۔سنٹر پجنڑ دے بعد زائرین دی رجسٹریشن کیتی گئی اتے انہاں کوں ناشتہ ڈتا گئیا۔
