رحیم یار خان۔5 مارچ (اے پی پی)ڈسٹرکٹ بار رحیم یار خان دے صدر رائے مظہر حسین کھرل اتے ممبر پنجاب بار کونسل سردار عبدالباسط بلوچ گانگا ادبی اکیڈمی دے چیئرمین و کالم نگار جام ایم ڈی گانگا اتے پاکستان کسان اتحاد دے ضلعی صدر ملک اللہ نواز مانک نال ملاقات اچ گال مہاڑ کریندے ہوئیں آکھیے جو سرائیکی اجرک ڈے کہیں ہک قوم دا نی سرائیکی وسیب دا اجتماعی ثقافتی ڈینھ اے، وسیب دے لوک وفاق پاکستان دے اندراپنڑی ہک شناخت تے وجود رکھیندن ۔ ڈسٹرکٹ بار دے سارے ممبران6مارچ کوں بلاتفریق دھرتی دے ایں ثقافتی تہوار کوں چنگے طریقے نال منیندے پن ۔جام ایم ڈی گانگا آکھیا جو اساں ساریں کوں اپنڑے انجھ سرائیکی صوبے دے قیام کیتے ہک مٹھ تھیونڑاں ہوسی۔استحکام پاکستان کیتے متوازن صوبے ضروری ہن۔ڈسٹرکٹ بار دے زیر اہتمام خطے دا ثقافتی تہوار مناونڑ تے جام ایم ڈی گانگا صدر ڈسٹرکٹ بار رائے مظہر حسین کھرل اتے سردار عبدالباسط خان بلوچ کوں سرائیکی اجرک ڈے دی ایڈوانس مبارک ڈیندے ہوئیں انہاں کوں سرائیکی اجرکاں پوائیاں ۔
