پی ایس ایل،ملتان سلطانز کوں ہرا تے لہور قلندرز پہلی واری سیمی فائنل اچ پج گئے

APP35-15 LAHORE: March 15 - Lahore Qalanders player Chris Lynn waving bat after scoring 100 runs during the Pakistan Super League (PSL) T20 cricket match between Lahore Qalanders and Multan Sultans at the Gaddafi Cricket Stadium. Lahore Qalandars wins the match by 9 wickets. APP photo by Mustafa Lashari

لاہور۔15مارچ(اے پی پی )پی ایس ایل دے اہم میچ اچ لہور قلندرزملتان سلطانز کوںہرا تے پہلی واری پی ایس ایل دے سیمی فائنل کیتے کواکیفائی کر گھدے۔پہلے کھیڈدے ہوئے ملتان سلطانز چھی وکٹاں دے ضیان تے ہک سو ستاسی رنز بنڑائن۔تیرھاں اووراں اچ ملتان سلطانزدیاں صرف اکانوے رنز تے ترائے وکٹاں ڈھے گیاں ہن بھل کپتان شان مسعود دی بتالی رنز دی اننگ توں بعد روہیل نذیر اتے خوشدل شاہ ڈٹ تے کھیڈین اتے باقی ست اووراں اچ سکور ہک سو ستاسی تے پچا تے دھوڑاں پٹ ڈتن۔روہیل نذیر اتے خوشدل شاہ صرف 36گینداں تے 74رنز دی شراکت کیتی۔روہیل نذیر 24رنزبنڑا تے اوٹ تھین اتے خوشدل شاہ 29گینداں تے 6 چھکے اتے 5 چوکے مار تے دھواں دھار 70رنزدی اننگز کھیڈی۔ولدے اچ لہور قلندرز دے فخر زمان اتے کرس لین آندے ہی ملتان سلطانز دے بالراں کوں سنبھلنر نئیں ڈتا اتے 100رنز دی پہلی بہترین شراکت کیتی۔فخر زمان 35گینداں تے 57رنزبنرائن جڈاں جو کرس لین55گینداں تے 12 چوکے اتے 8چھکے نال ناقابل شکست 113رنز دی اننگزکھیڈی اتے اے میچ نوں وکٹاں توںجیت تے لہور قلندرز کون ایونٹ دے فائنل اچ جاہ بنڑا ڈتی اے۔