ملتان ۔04 اپریل (اے پی پی)حکومت پنجاب ولوں ڈویژنل انتظامیہ کنڑک مل گھننڑ مہم دے عملی اقدامات کیتے کم کریندی پئی اے جیندے تے کمشنر ملتان ڈویژن شان الحق ریونیو سٹاف اتے بئے متعلقہ محکمیاں دے ملازمین کوں آن ڈیوٹی سڈنڑ دی ہدایت کیتی اے۔کنڑک خریداری مہم ویلھے کورونا وبا توں بچاودی حفاظتی تدابیر اپنائی ویسن۔بریفنگ اچ ڈپٹی ڈائریکٹر فوڈ اکرام احمدڈسایا جو ڈویژن اچ 48کنڑک خریداری مراکز بنڑائے گین جتھاں ہر سنٹر تے فی کاشتکار 500 باردانہ ڈتا ویسی۔ملتان ڈویژن اچ کنڑک خریداری دا 6 لکھ 84 ہزار 5سو سترہ میٹرک ٹن ٹارگٹ رکھیا گئے جیندے اچوں ملتان دا 1لکھ 84 ہزار8 سو 14 ،وہاڑی 1لکھ 47 ہزار4سو13 ،لودھراں 62ہزار 7 سو اٹھارہ،خانیوال 2 لکھ 84 ہزار 5 سو 72 میٹرک ٹن اے۔کنڑک خریداری کیتے گرداوری ڈی شرط ختم کرڈتی گئی اے اتے کنڑک دی قیمت 1400 روپے فی من جڈاں جو 9 روپے فی 100 کلو گرام ڈیلوری فیس رکھی گئی اے۔
