، صدر مملکت طیارہ حادثے اچ جاں بحق لوکاں دے لواحقین کوں وختی معاوضہ ڈیونڑ دی ہدایت
اسلام آباد ۔ 29 مئی (اے پی پی) صدر مملکت ڈاکٹر عارف علوی کراچی اچ طیارے دے حادثہ اچ جاں بحق تھیونڑ آلے لوکاں دے لواحقین کوں وختی معاوضہ ڈیونڑ دی ہدایت کیتی اے ۔ جمعے کوں ایوان صدر توں جاری بیان موجب صدر مملکت ڈاکٹر عارف علوی نال چیف ایگزیکٹو آفیسر پی آئی اے ایئر مارشل ارشد محمود ملک ملاقات کیتی۔ انہاں صدر مملکت کوں کراچی اچ طیارہ حادثے دے بعد ریلیف دے اقدامات ، متاثرین دی مدد اتے تحقیقات اچ پیشرفت متعلق بریفنگ ڈتی۔ چیف ایگزیکٹو آفیسر پی آئی اے صدر مملکت کوں ڈسائے جو ہنڑ تئیں 44 میتاں لواحقین دے حوالے کیتیاں گئن ۔ صدر مملکت آکھیے جو طیارے دا حادثہ ہک وڈا سانحہ اے جیں دا پوری قوم کوں ڈکھ اے۔ صدر مملکت آکھیے جو طیارہ حادثہ اچ جاں بحق لوکاں دے لواحقین دے ڈکھ اچ برابر دے شریک ہوں انہاں آکھیے جو طیارہ حادثہ اچ جاں بحق لوکاں دے لواحقین نال تعزیت کیتے رابطہ کریساں ۔ صدر مملکت پی آئی اے ولوں طیارہ حادثہ دے بعد ریلیف اقدامات اتے امدادی سرگرمیاں دی تعریف کیتی ۔
