مال بردار جہاز سائبلک ٹریڈیشن دے افغانستان ٹرانزٹ کیتے 16 ہزار ٹن یوریا گھن تے گوادر بندرگاہ اچ لنگر انداز تھیونڑ نال بحری تجارت دے نویں دور دا آغاز تھئے ، عبدالرازق داﺅد

اسلام آباد ۔ 29 مئی (اے پی پی) وزیراعظم دے مشیر تجارت عبدالرازق دا¶د آکھیے جو مال بردار جہاز سائبلک ٹریڈیشن دے افغانستان ٹرانزٹ کیتے 16 ہزار ٹن یوریا گھن تے گوادر بندرگاہ اچ لنگر انداز تھیونڑ نال بحری تجارت دے نویں دور دا آغاز تھئے۔جمعے کوں ہک ٹویٹ اچ انہاں آکھیے جو ایں نوعیت دا اے پہلا مال بردار جہاز پاکستان اچ لنگر انداز تھئے جیں نال بحری تجارت دے ہک نویں دور دا آغاز تھئے ۔پہلی واری سامان دی پیکنگ غیر ملکی بندرگاہیں دی بجائے مقامی طور تے کیتی ویسی ۔ انہاں آکھیے جو یوریا دی پیکنگ گوادر اچ کرتے ٹرکاں دے ذریعے افغانستان ترسیل کیتی ویسی ۔ جیں نال مقامی لوکاں کوں روزگار ملسی۔ انہاں آکھیے جو لیبر دیاں ساریاں ملازمتاں مقامی آبادی کوں ڈیونڑ دے حوالے نال پہلے ہی ہدایات ڈے ڈتیاں گئن ۔