اسلام آباد ۔ 9 مئی (اے پی پی) وزیراعلیٰ پنجاب عثمان بزدار صدارتی ایوارڈ یافتہ نامورچولستانی لوک گلوکار کرشن لال بھیل دے ا نتقال تے ڈکھ دااظہار کیتے ۔انہاں ڈکھی خاندان نال دلی ہمدردی تے اظہار تعزیتی کیتے ۔انہاں آکھیے جوکرشن لال بھیل لوک گلوکاری اچ چنگاں مقام رکھیندے ہن ۔کرشن لال بھیل دے انتقال نال لوک گلوکاری اچ ہک خلا پیدا تھی گئے ۔کرشن لال بھیل دی لوک گلوکاری اچ خدمات کوں دیر تئیں یاد رکھیا ویسی ۔ واضح رہے جوکرشن لال بھیل 3 مہینے توں علیل ہن تے بہوں کسمپرسی دی زندگی گزریندے پئے ہن ۔کرشن لال بھیل پوری دنیا اچ پاکستان دا نام روشن کیتا ، انہاں کوں دنیا دیاں 18 زباناں تے عبور حاصل ہئی ۔کرشن لال بھیل دے شاگرد جمیل لال بھیل آکھیے جو کرشن لال بھیل غربت دی جنگ لڑدے لڑدے دنیا توں ٹر گئے ۔ کہیں وی حکومتی نمائندے تعاون نئیں کیتا۔
