اسلام آباد ۔ 29 مئی (اے پی پی) وزیراعظم دے معاون خصوصی صحت ڈاکٹر ظفر مرزا آکھیے جو پمز آئسولیشن سینٹر دے کمریں دی تعداد ودھا تے 30 کر ڈتی گئی اے ۔ اے گال انہاں پمز ہسپتال دے آئسولیشن سینٹردا دورہ کرنڑ دے بعد صحافیاں نال گال مہاڑ کریندے ہوئیں آکھی اے ۔ انہاں آکھیے جو پمز اسلام آباد اچ کو رونا وائرس دے مریضاں کیتے آئسولیشن سینٹر دے انتظامات اطمینان بخش ہن۔ انہاں آکھیے جو آئسولیشن سینٹر دے کمریں دی تعداد 10 توں ودھا کراہیں 30کرڈتی گئی اے جڈاں جو ڈوجھیاں سہولتاں وی ودھائیاں ویندیاں پئن ۔ انہاں ڈاکٹراں، نرساں تے طبی عملے دے نال اظہار یکجہتی کریندے ہوئیں آکھیے جو ایں وباءدے خلاف جنگ صرف طبی عملے دے موثر کم اتے حکومت دے تعاون توں جتی ونج سگدی اے ۔ انہاں طبی عملے کوں یقین ڈیوائے جو انہاں دے ذاتی تحفظ کیتے ہر ممکن اقدامات کیتے ویندے پن ۔
