اسلام آباد ۔ 9 مئی (اے پی پی) کونسل آف دی آرٹس دی ڈائریکٹر جنرل ڈاکڑ فوزیہ سعید آکھیے جو چولستان دے معروف فنکار کرشن لال بھیل دی وفات موسیقی دی دنیا کیتے ہک وڈا ضیان اے ۔کرشن لال بھیل اپنڑی سریلی آواز تے روایتی لباس دے ذریعے پوری دنیا اچ پاکستان دا سافٹ امیج اجاگر کیتا ۔ فوزیہ سعید لوک فنکار کر شن لال بھیل دی فوتکی تے تعزیتی پیغام اچ آکھیے جو لال بھیل دے فن تے شخصیت کوں خراج تحسین پیش کرنڑ کیتے پی این سی اے وختی تعزیتی ریفرنس دا انعقاد کریسی۔ ڈی جی پی این سی اے مزید آکھیے جو کرشن لال وڈے فنکار ہن جنہاں کئی دہائیاں توں اپنڑی مادری زبان مارواڑی سمیت سرائیکی ، سندھی،اردو ہندی زباناں اچ آپنڑی آواز دا جادو جگایا۔کرشن لال بھیل دے فن دے اعتراف اچ حکومت پا کستان ولوں تمغہ حسن کارکردگی نال وی نوازیا گیا ہئی ۔
