چولستان دی نایاب آواز سرائیکی وسیب دے لوک گلوکاریں اچوں ،فقیرا بھگت دا ناں سر فہرست اے ،ادی نیناں،اگوانڑ سرائیکی عوامی تریمت تحریک

اسلام آباد ۔ 11 مئی (اے پی پی)چولستان دی نایاب آواز سرائیکی وسیب دے لوک گلوکاریں اچوں ،فقیرا بھگت دا ناں سر فہرست اے۔اے گال سرائیکی عوامی تریمت تحریک دی اگوانڑ ادی نیناں فقیرا بھگت دے 21ویں ورہینڑیں دے موقع تے اے پی پی نال گال مہاڑ کریندے ہوئیں آکھی اے ۔انہاں آکھیے جو فقیرا بھگت وسیب سمیت پورے پاکستان دا فخر ہئی ۔ایں گلوکار دی آواز روہی دی ارداس لاچار تے بے وسے روہیلیں دی کوک تے تسی روہی جائیں دی آواز ہئی ۔ او ہک درویش صفت گلوکار ہئی ،کلاسیکل لوک گیتاں دے نال نال خواجہ فرید دے کافیں کوں گاءتے امر کر گئے ۔انہاں کوں سرائیکی تے مارواڑی گائیکی تے عبور حاصل ہئی انہاں پوری دنیا دے ملکاں اچ اپنڑے فن دا مظاہرہ کرتے پورے ملک تے وسیب دا ناں روشن کیتونیں انہاں کوں داد ، پزیرائی تے کئی ایوارڈ ملیے ۔مٹھی تے نایاب آواز 11مئی 1999کوں چپ تھی گئی اج ایں گلوکار دا 12ویں واں روہنڑاں اے ۔