اسلام آباد ۔ 20 جون (اے پی پی)ایشیائی ترقیاتی بینک اتے پاکستان سندھ اچ شعبہ تعلیم اتے کراچی اچ ٹرانسپورٹ دے 359 ملین ڈالردے ڈو منصوبیاں کیتے مالی معاونت دے معاہدے تے دستخط کیتن۔معاہدیاں دی تقریب اچ اقتصادی امور دے وفاقی وزیر مخدوم خسرو بختیاروی موجود ہن۔پاکستان ولوں اقتصادی امور ڈویژن دے سیکر ٹری نور احمد اتے ایشیائی ترقیاتی بینک دی کنٹری ڈائریکٹر شیہونگ یانگ کراچی بی آر ٹی پروجیکٹ (ریڈ لائن)کیتے 284 ملین ڈالر دے فنانسنگ معاہدے تے دستخط کیتن۔ معاہدے دے تحت اے ڈی بی 235 ملین امریکی ڈالر قرض ڈیسی جڈاں جو گرین کلائمیٹ فنڈ (جی سی ایف)منصوبے کیتے 37.2 ملین امریکی ڈالر قرض اتے 11.8 ملین ڈالردی گرانٹ ڈیسی۔اقتصادی امور ڈیژن اتے اے ڈی بی “سندھ سیکنڈری ایجوکیشن پروجیکٹ” کیتے 75 ملین ڈالر قرضہ دے معاہدے تے وی دستخط کیتن۔
