اسلام آباد ۔ 22 جون (اے پی پی) وفاقی وزیر مملکت برائے موسمیاتی تبدیلی زرتاج گل وزیر آکھیا جو42ملین دی گرانٹ نال حلقہ این اے 191دے 14سکولاں اچ کلاس رومز اتے نویں بلاکس بنڑنڑ دے منصوبےاں تے کم شروع تھی گئے ،ماضی اچ وڈیریاں اتے جاگیرداراںدے دروازے بند رکھنڑنال تعلیمی پسماندگی ودھی اے،تحریک انصاف دی حکومت علاقے دی تعلمی محرومیاں دا ازالہ کریسی۔اے گالھیں انہاں ا اپنڑے حلقے دے مختلف پرائمری اتے ہائی سکولز دا دورہ دے موقع تے آکھی۔انہاں آکھیا جو بدقسمتی نال 72سالیں اچ سکولاں اتے تعلیمی معیار اچ بہتری سانگے کم کائنی تھیا۔انہاں آکھیا جو اساں اپنڑے وعدے پورے کریندے پیوں ،جنہاں علاقیاں اچ سروں سکول ای کائنی اتھاں نویں سکول بنڑیندے پیوں جنہاں دی منظوری تھی گئی اے اتے فنڈز جاری کر ڈتے گئن۔
