سرائیکی ادبی اکیڈمی ولوں سرائیکی نثر نگار حفیظ خان اتے نامور شاعر ظہیر احمد مہاروی کوں اکادمی ادبیات ولوں ایوارڈ ملنڑ تے مبارک

اسلام آباد۔اے پی پی(17 جون 2020ء)سرائیکی ادبی اکیڈمی ولوں سرائیکی دے نامور ادیب ، دانشور، ڈرامہ نگار، افسانہ نویس اتے کئی کتابیں دے تخلیق کار حفیظ خان کوں 256صفحیاں دی سرائیکی زبان دے ہک اہم موضوع تے لکھئے گئے ناول”ادھ ادھورے لوک“جئیں کوں اکادمی ادبیات پاکستان چنگی سرائیکی نثر لکھنڑ تے “ڈاکٹر مہر عبدالحق ایوارڈ” ڈتے اتے سرائیکی شاعری تے میانوالی دے معروف شاعر ظہیر احمد مہاروی کوں انہاں دی کتاب “الا” تے “خواجہ فرید ایوارڈ ملنڑ تے ڈاکٹر سعدیہ کمال اتے جنرل سیکرٹری شاہد دھریجہ مبارک ڈتی ۔انہاں آکھیا جو سرائیکی دے قلم کار، ادیب، نثر نگار سئیں حفیظ خان ساری حیاتی اپنڑی تحریراں نال نہ صرف پڑھے لکھیے طبقے کوں اپنڑے پاسے کیتے جڈانجو انہاں ہک نواں راہ وی ڈکھائے ۔میانوالی توں سرائیکی شاعرظہیر احمد مہاروی دے کلام اچ پیار،محبت اتے امن و آشتی دا سنیھا ملدے۔انہاں آکھیا جو چنگی کتاب چھاپنڑ تے اکادمی ادبیات ولوں قلم کاراں کوں ایوارڈ ڈیونڑ تعریف دے قابل اے۔ایں موقع تے صابر ملک، محمد نعیم خان ، محمد طیب اتے علی رضا وی موجود ہن۔