اسلام آباد ۔ 2 جون (اے پی پی)سرائیکی خطہ المعروف ملتان، دے پاݨی دی تاثیر ھے یا ولا مٹی دا خمیر کہ جو وی نمک حلال چار ݙیھاڑے ایں دھرتی دی پیدوار رزق کھاوے او ولا ایں دھرتی دا ہی تھی تے رہ ویندے،،، ایویں ہی ھک عظیم کردار مظفر خان سدوزئی دا ھے جیں ملتان دی دھرتی سانگے اپݨے دھیریں پتریں بمعہ اہل عیال سمیت جانیں دے نظرانے ݙتے
اڄ ݙو (2)جون ھے،،
اڄ تو ٹھیک ݙو سو ݙو (202)سال پہلے خطہ ملتان تے ھک قیامت گزری، تے ملتان،،،
: چہارچیز است تحفہ ملتان
گـرد گـرما گـدا وگـورســتان:
دی زندہ مثال بݨ گیا،،
رنجیت سنگھ نے پہلا حملا 1806 وچ کیتا تے ہر سال مسلسل یارھاں (11) حملے کریندا رہیا، آخر وچ ملتان دی اندرونی محلاتی سازش نال
1818دے وچ رنجیت سنگھ نے سکھاں دی بھنگی مثل نال اپݨے وݙے سکھ لشکر تے مشھور سکھ توپ خانہ زمزمہ، تے جنگ بجلی، نال ملتان تے شدید حملہ کیتا، ایں حملے دے دوران اندرون قلعہ ملتان ھک نمک حرام افغانی جرنیل عبدالصمد بادوزئی نے غداری کر تے رنجیتی فوج نال اپݨے مفاد کیتے ڳݨ منجھ کر گھدی تے رنجیتی سکھ فوج کو قلعہ ملتان دے خفیہ تے کمزور مقامات دی نشاندہی دے نال نال اپݨا زاتی لشکر وی سکھ فوج نال رلا گھدا،،
ایں اندرونی تے بیرونی ݙو طرفہ. حملے دا مقابلہ والیٍ ملتان مظفر خان نے جوانمردی نال آخری دم تک کیتا تے شہید تھے گے، اور ملتان مکمل سکھا شاہی دے رحم کرم وچ آ گیا،
سکھ فوج نے ملتانیاں (سرائیکیاں)تے ظلم دے پہاڑ توڑے، اݨ گݨت بے گناہ ٻالیں، تریمتیں، جوانیں تے بزرگیں کو خون نال دھوا ݙتا، مسجدیں کو جانوریں دے بھاݨے بݨا ݙتے، ساوے باغ تے فصلاں ساڑ ݙتیاں، تے کئی ݙیھاڑے وحشت دا اے کھیݙ جاری رہیا،،
جیندا تسلسل ݙو سو سال گزرݨ دے باوجود اڄ وی کہیں نہ کہیں شکل وچ بھرپور طریقے جاری ھے،،،
رنجیت سنگھ موجودہ صوبہ پنجاب دے کئی لوکیں دا اج وی عظیم ہیرو ھے،
ھووے اساکوں کہیندے قومی ہیرو تے اعتراض کینھی، پر او تساݙا ہیرو سرائیکی عوام سانگے بھیانک ظالم ولن وی ھے،
جیندا مطلب واضح ھے کہ پنجاب وچ ݙو قوماں ہن،
ھݨ آل رنجیت خطہ ملتان (سرائیکستان )کو مزید غلام نی رکھ سگدی، نویں سرائیکی نسل تیار ھے اپݨے حق سانگے تے آل رنجیت تو آزادی سانگے
