آیا صوفیا دے دروازے مقامی تے غیر ملکی، مسلم تے غیر مسلم سانگے کھلیے رہسن،صدر اردوان

انقرہ ۔ 11 جولائی (اے پی پی) ترکی دے صدر رجب طیب اردوان آکھیا جو آیا صوفیا دے دروازے مقامی تے غیر ملکی، مسلم تے غیر مسلم سانگے کھلیے رہسن۔ترک نشریاتی ادارے دے مطابق صدر اردوان ’ اسٹیٹ کونسل دے فیصلے نال میوزیم دی حیثیت کو ں ختم کریندیں ہوئیں ولا مسیت دے طور استعمال دے معاملے تے قوم نال خطاب اچ آکھیا جو صوفیا دے دروازے مقامی تے غیرملکی مسلم اتے غیر مسلم ڈوہیں سانگے کھلیے رہسن۔انہاں استنبول دے فاتح سلطان مہمت ولوں 1453 اچ فتح کرنڑ دے بعد آیا صوفیا کوں مسیت دا درجہ ڈیونڑ دی یادہانی کریندیں ہوئیں آکھیا جو اے ٹھیک 567سالہ قدیم ہک حق اے۔اگر کہیں اعتقاد دے مرکز تے بحث کرنڑی اے تاں اے آیا صوفیا نی اسلام دشمنی اتے غیر ملکاں نال نفرت دا معاملہ ہوونڑاں چاہیدے۔انہاں آکھیا جو 24جولائی2020ءجمعے دی نماز دے نال 86سال بعد آیا صوفیا کوں عبادت سانگے کھولنڑ دی منصوبہ بندی کیتی گئی اے۔