اسلام آباد ۔ 21 جولائی (اے پی پی)نظام تعلیم تے سرائیکی وسیب بارے اے پی پی نال گالھ مہاڑ کریندے ہوئے کرن لاشاری صدر سرائیکی عوامی تریمت تحریک آکھئیے جیہڑے دور دے وچ بیاں قوماں آکسفورڈ جہے تعلیمی اداریاں دی بنیاد رکھیندے پئے ھن، ٹھیک اوں دور دے کروڑاں روپے وچ اساݙے تاریخی تے عظیم بادشاہ ہک قبر دے مقبرے سانگے تاج محل ناں دا شہکار تیار کریندے پئے ہن. ولا خدا دی کرنڑی ایں تھئ جو 1857دی جنگ آزادی (غدر)دے بعد برصغیر ایسٹ انڈیا کمپنی توں مکمل سلطنت برطانیہ دے کنٹرول آ ڳیا، تاں انگریز نے برصغیر دے لوکاں سانگے ھک تعلیمی پالیسی بݨائی جیندے وچ فیصلہ کیتا ڳیا جو برصغیر دے لوگ کیونجو انگریز کنیں عقل وچ گھٹ ھوندن ایں سانگے انھاں کیتے ہر کلاس وچ پاسنگ مارکس انگریز کنیں ادھ رکھیے ڳئے،، یعنی انگریز دے پاسنگ مارکس 65, ہندوستانی طالبعلم سانگے ساڈھے بتری (32.50) ولا استادیں دی سوکھ سانگے اینکوں 33نمبر کرݙتا ڳیا،،،، افسوس دا مقام اے ھے جو اڄ ݙو صدیاں تھیوݨ والیاں ہن، تے اساں اڄ وی انگریز دے اوں نسلی امتیاز آلے نظام تعلیم اتے سختی نال عمل کریندے پئے ھیں ایویں ہی اڄوکے دور وچ سرائیکی وسیب تے نظر پھیرو تاں اتھ ولا اصول ہی انوکھا اے،، ھک پاسے ایچی سن کالج دا طالبعلم، ݙوجھے پاسو راجن پور تے چولستان دے پسماندہ علاقیاں دا طالبعلم، ݙوھیں سانگے ھکو اصول،،،
لوک گواہ ہن سارے،
واہ تیݙے بھائی چارے،
پورے وسیب دی ست کروڑ آبادی سانگے ٹوٹل پنج یونیورسٹیاں، یعنی ھک کروڑ چالھی لکھ آبادی کیتے ھک یونیورسٹی،، ایویں ہی ملدے جلدے اسکول تے کالجاں دے عداد وشمار،، ھکے ملک، ھکے شھر وچ کئی کئی تعلیمی بورڈ کئ کئ زبانیں دے امتیازی میڈیم نہ صرف تعلیم نال مزاق ھے جڈانجو وطن عزیز دے پسماندہ طبقات دے طالبعلماں سانگے زیادتی اے ۔سرائیکی علاقے اچ تعلیم بارے توجہ دی ڈھیر لوڑ اے ۔
