استنبول ۔ 16 جولائی (اے پی پی) ترکی دے صدر طیب اردگان آکھیے جو شہیداں دے خون نال ترکی دیاں بنیاداں اچ آزادی دی ہک نویں روح پھوکی گئی ۔ترک ذرائع ابلاغ موجب فیتو دہشتگرد تنظیم دی ناکام بغاوت دی کوشش دی 4 سالہ یادگاری تقریب نال خطاب کریندے ہوئیں انہاں آکھیے جو ایں رات 251 شہدا دے خون نال ترکی دیاں بنیاداں اچ آزادی دی ہک نویں روح پھوکی گئی جنہاں دی مغفرت کیتے دعا کریندوں ۔انہاں مزید آکھیے جو 15 جولائی دی رات آزادی دی متوالی ترک عوام خود کوں ولا غلامی دیاں زنجیراں اچ قید کرنڑ دیاں ساریاں کوششاں ناکام بنڑا ڈتیاں ۔انہاں مزید آکھیے جو وطن عزیز اچ اذان محمدی کوں چپ کراونڑ ، پرچم کوں تلے کرنڑ تے قومی اداریں کوں پیراں اچ گھن آونڑ دے سارے منصوبے ناکام تھئے ۔
