اسلام آباد ۔ 15 جولائی (اے پی پی) صدر مملکت ڈاکٹر عارف علوی آکھیا جو پاکستان قطر نال اپنڑے تعلقات کوں خصوصی اہمیت ڈیندے،پاک قطر تعلقات کوں ہک پکی سیاسی اتے معاشی سانجھ اچ بدلنڑ چاہندوں،قطر مسلماناں دے خلاف بھارتی ظلم دا نوٹس گھنے، کشمیر دی صورتحال نال علاقائی امن کوں بہوں خطرہ اے۔اے گالھیں انہاں قطر دے سفیر شیخ سعود بن عبدالرحمن بن فیصل الثانی نال ملاقات اچ گالھ مہاڑکریندیں ہوئیں آکھی جنہاں بدھ کوں ایوان صدر اچ انہاں نال ملاقات کیتی۔صدر ڈاکٹر عارف علوی قطری سفیر کوں ذمہ واری ملنڑ تے مبارک ڈتی اتے آکھیا جو پاکستان قطر نال اپنڑے تعلقات کوں خصوصی اہمیت ڈیندے،پاک قطر تعلقات کوں ہک پکی سیاسی اتے معاشی سانجھ اچ بدلنڑ چاہندوں۔صدرمملکت آکھیا جو ڈوہیں ملکاں اچ مختلف شعبیاں اچ آپسی تعاون دے بہوں موقع ہن۔پاکستان اچ سرمایہ کاری دے بہوں موقع ہن اتے قطر کوں انہا نال فائدہ چاونڑاں چاہیدے۔قطری سفیر آکھیا جو انہاں دا ملک پاکستان نال ڈو پاسہ تعلقات کوں بئیا ودھاونڑ چاہندے اتے گوادربندرگاہ اچ سرمایہ کاری کرنڑ چاہندے۔
