اسلام آباد ۔ 16 جولائی (اے پی پی) وزیراعظم عمران خان دی زیر صدارت ہاوسنگ، تعمیرات اتے ترقی متعلق قومی رابطہ کمیٹی دا ڈوجھا اجلاس خمیس کوں اتھاں منعقد تھیا ۔اے گال وزیراعظم آفس ولوں جاری بیان وچ ڈسائی گی ۔ اجلاس اچ تعمیراتی شعبہ کیتے حکومت ولوں اعلان کیتے گئے مراعاتی پیکیج تے پیشرفت دا جائزہ گھدا گیا ۔وزیراعظم ہاﺅسنگ، تعمیرات اتے ترقی کیتے قومی رابطہ کمیٹی تشکیل ڈتی ہئی جیںد ا پہلا اجلاس انہاں دی صدارت وچ 10جولائی کوں تھیا ہئی ۔کمیٹی بنڑاونڑ دا مقصد تعمیراتی شعبہ متعلق قوانین کوں سوکھا بنڑاونڑ تے قرضیں دے عمل کوں وی سوکھا کرنڑ کیتے اپنڑاں کردار ادا کرنڑاں اے ۔اے کمیٹی بینکاں دے نال رل تے ہاﺅس بلڈننگ فنانس متعلق رکاوٹاں کوں ہٹاونڑ اچ اپنڑاں کردار ادا کریسی ۔
