ملتان ۔19 جولائی (اے پی پی)ہیڈ محمد والا تے چناب رت ہوٹل دے نیڑے ڈو سکے بھراواں سمیت ہکے خاندان دے ترائے بال دریا وچ بڈ گئن ۔ ریسکیو 1122 ملتان موجب صابر قریشی اتے طارق قریشی اپنڑے خاندان دے رلے اتوار دے ڈینھ دریائے چناب تے سیر کرنڑ آئے ہوئے ہن ، ایں دوران ترائے بال دھاونڑ کیتے دریا وچ گے تے ہک ڈوجھے کوں بچیندے ہوئیں دریا وچ بڈ گئن ۔ اے واقعہ سویلے ڈاہ وجے دے نیڑے پیش آئے۔بڈنڑ آلیں اچ صمد ولد صابر قریشی عمر10 سال، سعد ولد صابر قریشی عمر 14 سال اتے یحیی ولد طارق قریشی عمر15سال شامل اے۔حادثے دے بعد ریسکیو1122دیاں ٹیماں موقع تے پج گئیاں تے بالاں کوں گولنڑ دا کم شروع کرڈتے۔
