اسلام آباد ۔ 17 جولائی (اے پی پی) صدر مملکت ڈاکٹر عارف علوی آکھیا جو کورونا بارے ضابطہ کار تے عمل دی صورت اچ ریاست،حکومت اتے عوام اپنڑے کم چنگی طرح جاری رکھ سگدن۔جمعے کوں ہک ٹویٹ اچ انہاں آکھیا جو حکومت اتے شیعہ علماءکرام وچال محرم الحرام دے موقع تے کورونا وائرس توں بچاﺅ سانگے گٹھ جوڑ نال نشابر تھیندے جو سارے طبقے دے علماءکرام قومی مسئلیاں تے کٹھے ہن۔انہاں آکھیا جو محرم الحرام وچال ماتمی جلوس اتے مجلساں دے کٹھ ایس او پیز نال کیتے ویسن۔
